الميعاد للشاعر مصطفى عبدالله

* الميعاد *
___________________
يــــــا دنـــــيا كلك الهـــموم الطامع فيكى مظلوم

والباقى عليكى مهزوم والضاحك ساهى وموهوم

الصادق باك متهوم والكاذب ناجى ومعصوم

ليه يبقى فقيرك محروم ليه يبقى انينه مكتوم

يا دنيا كلك فساد ونسينا صلاح الاجداد

والكل راجع فى الميعاد يواجه رب العبــاد

فى يوم مفهوش احباب والكل هيقرأ فى كتاب

الكــل واقف مذهول للجنه هيساق او نار

وحساب عليهم هيدور للظالم عقاب جبار

والصالح واقف مسرور بالثواب مرفوع الراس

رب العباد للعباد وكل شىء فى الميعاد

امنيه للشاعر مصطفى عبدالله

* امنيه *
ـــــــــــــــــــــــــــــــ
نفسى اروح اناديـــلك وبعلو صوتى اغنيلك

وارفع ايدي وادعيلك وادعى ربنا يخليكــى

اول ما شفت عينيكى قولت القلب ده ليــــا

ولما مسكت ايديكــى حسيت برقه قويه

والحـــب ده ليكـــــى يا احلى بنت فى الدنيا

وانا كلى بين ايدكــى حنـــى ولـو شــــويـه

كتبت فى حــبك كتير وشايلك فى قلبى الكبير

يا احـلى قمـر منــير ردى ولــو بكلمــــــه

سألت عـليكى كتير وعيشت ليالـى وسنين

عايـش بقلب ســــعيد عــايش ليالى غريــب

مستنى كلمه من حبيب ســايبنى وأســى عليا
_____________

مقال اصحوا ياعرب

امانه عليكم تقولو كلمه حق
تقولو كلمه صدق **** لحد امتى هنفضل ساكتين؟ لحد امتى هنقف نتفرج؟ مش خايفين يجى علينا الدور؟
ولا مش مستوعبين احنا ممكن يحصلنا ايه؟
ليه فلسطين تدمر وليه العراق تضيع وليه كل انسان يتهان وينداس بالجزم زى التراب الملهوش معنى
من اجل الطمع والجشع **** اسالكم بلدعاء على كل ظالم
جذاء بوش المنتظر

دا حق كل الشهداء .. إللى ماتوا أشلاء

نهاية ولاية بوش .. ينضرب فى العراق

ملقاش حد يحوش .. عنه ضرب الحذاء

وإيه كان منتظر .. غير إللى عمله منتظر

رفع راس كل العرب .. وكان هو المنتصر

وبفردتين حذاء .

. خد بتار العراق .

. وكانوا زى المطر

ياريت كانوا جمُ فى وشهُ

.. ولنصين إنشطر

ودى سوء الخاتمة .

. للإيد الآثمة

تنضرب يابوش بالجذمة

.. وبضربة قاسمة

ودا مصير الدخلاء

.. وعمُره مايموت الولاء

وسلاح الدمار الشامل

.. طلع فردتين حذاء

مش دا إللى كنت عايزه .

. وبتدّور عليه ؟

يابوش دلوقت قوللْى

.. شكلك بقى عامل إيه ؟

آل رايح العراق

.. بس عشان يعتذر

أهو خلاك الحذاء .

. شكلك بقى قذر

تسلم إيدك حقيقى .. يابطلنا المنتظر

ولم يمضى كثيرا حتى ضربت بغداد بالصواريخ والمدافع ومازلنا نقف نتفرج بأى حق ؟
اسألكم بلدعوه على كل ظالم
ما اخذ بلقوه لا يسترد الا بالقوه

بسم الله الرحمن الرحيمواذا المؤده سئيلت بأى ذنب قتلت
صدق الله العظيم
ما اخذ بلقوه لا يسترد الا بالقوه
بقوه الايمان والحق رجعت غزه من ايد
الاعتداء الصهيونى ولكن كان الثمن موت الالاف
من المجاهدين والمسلمين وغيرهم ويرجع
الفضل كل للابطال والنصر قريب ان شاء الله

قصيده منقوله

____________________

مصر الحضاره للشاعر مصطفى عبدالله

* مصر الحضاره *
___________
لكل عاشق حـــبيب *** ولكل راجع نصــــيب
وانا عايش لكل قريب *** عاشق لتراب الوطن
عايش زى النـــــــغم *** عاشق نفس الزمــن
بشوف جمال الحضر *** ببص لعمر الحـــجر
ميلادى ليكـى بدايــه *** لحــب ملهوش نهايه
جمالك ده كله حكايه *** والنيل ليكى مرايــه
بيصور جمال ارضك *** وشمسك كلها هدايـه
بجمايلك دايما سبقانا *** وبخيرك دايما فكرانا
الناس فى ارضك شقيانا *** وناس فى خيرك طمعانا
ووحدتنا دايما خذلاهم *** وطول عمرها بكــياهم
الكل عايش ليكــــــى *** والكل بيمدح فيكـــــى
وتعيش الارض المحبوبه *** طول عمرها محفوظه
تم النشر لهذه القصيده فى جريده الامه عام 2009